Loading. Please wait.

actress,actors gallery

మే 29 వరకూ తెలంగాణ లో లాక్ డౌన్ పొడగింపు. వైన్స్ షాపుల షట్టర్ లను ఎత్తేసిన కె.సి.ఆర్

5/5/2020
తెలంగాణలో లాక్ డౌన్ పొడిగింపుపై ఉత్కంఠ వీడింది. మే 29 వరకూ రాష్ట్రంలో లాక్ డౌన్ పొడిగిస్తున్నట్లుగా ముఖ్యమంత్రి కేసీఆర్ మంగళవారం రాత్రి నాటి విలేకరుల సమావేశంలో స్పష్టం చేశారు. అయితే, కేంద్ర ప్రభుత్వం రాష్ట్రంలో కరోనా కేసులను బట్టి జిల్లాలను రెడ్, ఆరెంజ్, గ్రీన్ జోన్లుగా వివరించారని చెప్పారు. ఈ జోన్లలో ఏఏ కార్యకలాపాలకు సడలింపులు ఇవ్వాలన్న అంశంపై కేంద్రం మార్గదర్శకాలు నిర్దేశించిందని వివరించారు.
జోన్లతో సంబంధం లేకుండా యావత్ తెలంగాణ మొత్తం రాత్రి 7 గంటల తర్వాత కర్ఫ్యూ కొనసాగుతుందని సీఎం తెలిపారు. ఆ సమయంలో ఎవరూ బయటకు రావొద్దని.. గర్భిణీలు, వృద్ధులు, చిన్నపిల్లలైతే ఎట్టి పరిస్థితుల్లోనూ ఇంటి నుంచి బయటకు రావొద్దని సూచించారు.

మందు బాబులకు తీపి కబురు  అంతా అనుకున్నట్లుగానే తెలంగాణలోనూ మద్యం విక్రయాలకు ముఖ్యమంత్రి కల్వకుంట్ల చంద్రశేఖరరావు గేట్లు ఎత్తేశారు. రెడ్ జోన్లలోనూ మద్యం విక్రయాలకు ఓకే చెప్పేశారు. అయితే రాష్ట్రంలో ఉన్న 11 కంటైన్మెంట్ జోన్లలో మాత్రం మద్యం విక్రయాలకు అనుమతి లేదని కేసీఆర్ ప్రకటించారు.

గ్రీన్, ఆరెంజ్ జోన్లలో గ్రామాల్లో అన్నీ దుకాణాలు తెరచుకొనేందుకు అనుమతిస్తున్నట్లు సీఎం చెప్పారు. అయితే, మున్సిపాలిటీల్లో రోజుకు 50 శాతం దుకాణాలు మాత్రమే అనుమతి ఉంటుందని చెప్పారు. లాటరీ విధానం ద్వారా మున్సిపల్ ఛైర్మన్ ఆయా షాపులను ఎంపిక చేస్తారని నిర్దేశించారు. ఉదయం 10 నుంచి సాయంత్రం 6 వరకు మాత్రమే షాపులు తెరిచేందుకు అనుమతి ఉంటుందని చెప్పారు. కేంద్రం మార్గదర్శకాల్లో గ్రీన్‌ జోన్లలో 50 శాతం ప్రయాణికులతో బస్సులకు అనుమతించినా తెలంగాణలో మాత్రం తిరగవని స్పష్టం చేశారు. గ్రీన్ జోన్‌లో ప్రజా రవాణాను కేంద్రమే అనుమతించిందని.. కానీ, తెలంగాణలో గ్రీన్ జోన్లు తక్కువగా ఉన్నాయని చెప్పారు. దీనిపై మే 15 తర్వాత నిర్ణయం తీసుకుంటామన్నారు. ఆటోలకు కేవలం గ్రీన్ జోన్‌లోనే అనుమతి ఉందని కేసీఆర్ స్పష్టం చేశారు.కిరాణా, నిత్యావసర దుకాణాలతో పాటు సిమెంటు, స్టీలు, హార్డ్ వేర్, ఎలక్ట్రికల్ షాపులు తెరచుకోవచ్చని చెప్పారు. వ్యవసాయ పనులు జరుగుతాయి కాబట్టి.. వ్యవసాయ అనుబంధ దుకాణాలు కూడా తెరుచుకోవచ్చని చెప్పారు.
రెడ్ జోన్లతో కూడా సంబంధం లేకుండా స్టాంపులు, రిజిస్ట్రేషన్ శాఖ వంద శాతం పని చేస్తుందని కేసీఆర్ వివరించారు. వ్యవసాయరంగ పనులు, వాటికి సంబంధించిన దుకాణాలు తెరిచే ఉంటాయని చెప్పారు. ఇసుక మైనింగ్, ఆర్టీఏ ఆఫీసులు కూడా పని చేస్తాయని చెప్పారు. వాహన రిజిస్ట్రేషన్లు, భూముల కొనుగోళ్లు యథాతథంగా కొనసాగుతాయని చెప్పారు.

Other news

More News

-Next--Last