Loading. Please wait.

actress,actors gallery

డబ్బుంటే ప్రాపర్టీలు కొనుక్కోండి.ఇది సరైన సమయం : HDFC చైర్మన్ దీపక్ పరేఖ్

4/16/2020
కరోనా వైరస్ ప్రభావం ప్రపంచవ్యాప్తంగా దాదాపు అన్ని దేశాలపై పడింది. దీంతో అభివృద్ధి చెందిన దేశాలతో పాటు.. అభివృద్ధి చెందుతున్న దేశాలు సైతం విపరీతమైన ఇబ్బందులు ఎదుర్కొంటున్నాయి. లాక్ డౌన్ విధించడంతో అన్ని రంగాలు మూతపడ్డాయి. దీంతో అన్ని సెక్టార్లు విపరీతమైన నష్టాల్లోకి పేరుకుపోతున్నాయి. ముఖ్యంగా ఆర్థిక వ్యవస్థపై కరోనా తీవ్ర ప్రభావం చూపిస్తోంది. అయితే భారత్‌లో కరోనా వైరస్ ఎఫెక్ట్ రియాల్టీ రంగంపై అధికంగా ఉంటుందని చెబుతున్నారు HDFC ఛైర్మన్ దీపక్ పరేఖ్.

రానున్న రోజుల్లో స్థిరాస్తుల ధరలు 20 శాతం వరకు తగ్గే అవకాశాలు ఉన్నాయని ఆయన తెలిపారు. నిజానికి రియల్‌‌ ఎస్టేట్‌‌ ధరలు తగ్గాల్సి ఉందని, రాబోయే కాలంలో అదే జరగబోతోందని పరేఖ్ అన్నారు.National Real Estate Development Council (NAREDCO) నిర్వహించిన వెబినార్‌‌లో ఆయన మాట్లాడుతూ.. (NAREDCO) వంటివి ధరలు 15 శాతం వరకు తగ్గుతాయంటున్నాయని, నిజానికి ఇది 20 శాతం వరకు ఉండొచ్చని స్పష్టం చేశారు. అంతేకాదు ‘‘ఉద్యోగ భద్రత ఉన్న వాళ్లు, అదనంగా డబ్బు ఉన్న వాళ్లు ఇల్లు,ప్లాట్లు,ఖాళీ స్థలాలు కొనడానికి ఇది సరైన సమయమని సూచించారు".

రియల్‌‌ ఎస్టేట్‌‌ ఇప్పటికీ చాలా ముఖ్యమైన అసెట్‌‌ క్లాస్‌ అన్నారు పరేఖ్‌. అయితే ఇండియా రియల్టీ ఇది వరకే ఎన్నో సవాళ్లను ఎదుర్కొంటోందన్నారు. లిక్విడిటీ లేకపోవడం, ఎన్‌‌పీఏలు పెరగడం వల్ల ఈ రంగానికి ఇబ్బందులు కలుగుతున్నాయన్నారు. ప్రభుత్వం అందుబాటు ధరల గృహాలకు ఎన్నో ప్రోత్సాహకాలు ఇస్తున్నా, మాంద్యం వల్ల గిరాకీ తగ్గిందని తెలిపారు. రియల్టర్లు మారటోరియంపై ఆధారపడకుండా ఈక్విటీల ద్వారా నిధులు సమకూర్చుకోవాలని అని ఆయన వివరించారు. కరోనా వల్ల ప్రస్తుత ఆర్థిక సంవత్సరంలో రెసిడెన్షియల్‌‌ రియల్‌‌ ఎస్టేట్‌‌ డిమాండ్‌‌ బాగా తగ్గుతుందని స్టడీ రిపోర్టులు చెబుతున్నాయి.

Other news

More News

-Next--Last